De Magnetica [...] Plantarum p. 640

vel electrica quadam vi herbis ad se attractis agnum frui; ijs con-
sumptis emori eum asserunt; miror ego multos, dum domesticas
causas & consuetas in promptu habeant, exteras & peregrinas non
minùs, quam incertas sectentur: neque enim hic vllus alius magnetis-
mus fingi debet, quàm is, quo singulæ Plantæ in nutrimentum na-
turæ suæ debitum (quod per radices & scapum attrahunt) naturali
appetitu feruntur. Dum itaque herbæ circumsitæ paulatim minuun-
tur, non est cogitandum, agnum hunc plantalem occulto quodam
tractu eas consumere: sed per caulem omnem circa humorem, cuius
magna vi indiget attrahit (non secus ac Cuscuta & Hedera humo-
rem alijs arboribus debitum tyrannica quadam inuasione sibi vendi-
cant) quo Plantæ vicinæ dum priuantur, mori eas vna cum agno ne-
cesse est: sed hæc adiungere hoc loco volui, ne quicquam ad nostram
magneticam artem pertinens, omisisse videremur. Innumera hoc
loco adducere possem huius farinæ: sed qui præcedentia benè perce-
perit, nullo negotio aliorum rationem dare poterit.

CAPVT IV.

Ανθομαγνητισμὸς,

siuè

De Plantis Heliotropijs, earumque facultate magnetica.

Inter cæteras Plantas, quæ eximio magnetismo pollere videntur,
principatum sanè non immeritò tenent Plantæ illæ, quæ à motu,
quo Solem sequuntur Græcis ἡλίοτροπα, hoc est, Solisequa vocan-
tur. Et quamuis omnium penè florum proprium sit lumine & Sole
gaudere, in aliquibus tamen magis, magisque hocce naturæ spectatur
coniugium: omnes enim flores plantarum, qui aurea foliorum in
orbem diffusarum fœtura radiantis Solis discum proximè mentiun-
tur, {Magna varietas Solisequiorum.} vt Tragopogon, Cyclamen, Chamæleon [?Chamæmelon], Chrysanthemum, Lu-
pinus, omnes Cichorearum species, Tulipæ, Lilium Persicum, Ane-
mones, Scorpiurus, Heliotropium propriè sic dictum, Acacia, Lotus,
aliaque innumera hac vi conuersiua præditæ; nescio quid amicitiæ
cum Sole habere comperiuntur; {Horologia Rusticorum.} Lupinus, Cichorium, Conuolu-
lus, adeò sollicitè Solem quærunt, vt à constanti motu in orbem
iuxta Solis motum facto, horologia rusticorum dici meruerint. He-
liotropium, Scorpiurus, Lilium persicum adeò pertinaciter etiam
/cælo